وزیری دەرەوەی ئێران هێرش بۆ سەر دامەزراوە ئەتۆمییەکانی ئێرانی بە پێشێلکاریی ئاشکرای یاساگەلی نێودەوڵەتی وەسف کرد و وتی، "پلانی ئەتۆمی ئێران ڕێگەچارەی سەربازیی نییە."

سەید عەباس عێراقچی، وەزیری دەرەوەی ئێران لە لێدوانێک بۆ کەناڵیCGTN ی چین، سەبارەت بە پلانی ئەتۆمی ئێران، گۆڕانکارییە ناوچەییەکان و ئەندامێتی تاران لە ڕێکخراوی هاوکاریی شانگهای، هەڵویستی تارانی شێکردەوە.

عێراقچی بە ئاماژە بەوەی کە هێرش بۆ سەر دامەزراوە ئەتۆمییەکانی ئێران سەلماندی کە پلانی ئەتۆمی ئێران، ڕێگەچارەی سەربازیی نییە، وتی، "تاکە ڕێگەی کارا، دیپلۆماسی و دانوستانە و مۆسگەربوونیشی کاتێک مومکینە کە لایەنی بەرامبەر دەست لە زێدەڕۆیی سەربازیی هەڵبگرێت و زیانەکانی ئێران قەرەبوو بکاتەوە."

وەزیری دەرەوەی ئێران ئەو دەستدرێژییەی بە پێشێلکاریی ئاشکرای یاساگەلی نێودەوڵەتی وەسف کرد و وتی، "ئەو هێرشە پێشێلکارییەکی گەورەتر و بەدوور لە لێبوردنە، چونکە دەتوانێت پاشهاتێکی ژینگەیی کارەساتباری بۆ مرۆڤایەتی بەدواوە بێت."

عێراقچی لەبارەی ئەندامێتی ئێران لە ڕێکخراوی شانگهای، ڕایگەیاند، "ئێران بەهایەکی زۆر بە ئەندامێتی خۆی لەو ڕێکخراوەیە دەدات و هەولەکانی شانگهای بۆ نرخاندن و پێگەدان بە وڵاتانی باشوور لە ئاستی نێودەوڵەتیدا زۆر گرینگە و وەک دەبینین وڵاتانێکی زۆر لە هەوڵی تەڤڵبوون بەو ڕێکخراوەن و ئەوە لەجێی خۆیدا گرینگە."(İLKHA)